2017 жылдың 16-21 қаңтар күндері Орал қалалық №10 жалпы орта білім беретін мектебінің базасында «Оқу процесін жаңартуды іске асырудағы білім беру ұйымдары басшыларының рөлі» тақырыбында оқыту семинар-практикумы ұйымдастырылды.

Семинардың бағдарламасына сәйкес, теориялық бөлімде облыстың түрлі құзырлы органдарының (облыстық кәсіпкерлік палатасы, ішкі істер департаменті, дін істері, тұтынушылардың құқықтарын қорғау, еңбек инспекциясы, мемлекеттік сатып алу, мемлекеттік қызмет және сыбайлас жемқорлыққа қарсы іс-қимыл, төтенше жағдайлар, т.б.) өкілдері білім саласындағы нормативтік-құқықтық база туралы баяндама жасады. Практикалық бөлімде Орал қаласының жалпы орта білім беретін мектептері мен балабақшалары базасында шеберлік сыныптары, сыныптан тыс шаралар шеруі ұйымдастырылды.

Семинар жұмысына аудандық (қалалық) білім бөлімдерінің, облыстағы мектепке дейінгі ұйым, негізгі және орта мектеп басшылары, барлығы 425 қызметкер қатысты.

Сонымен қатар, «Bilim Media Group» (Астана қ.) «Bilimland білім беру порталының жұмыс жүйесі» және «Education Consulting» (Алматы қ.) компаниясы «ҰБТ-дің жаңа форматы және дайындық» тақырыбында практикалық таныстырылым жасады.

Ал, «Ұстаз» кәсіби жетілдіру орталығының басшылығымен (Астана қ.) «Адамгершіліктің 6 деңгейі» тақырыбындағы шеберлік сағаты мен мектеп басшыларына арналған «Жоба негізінде білім беру әдісі» және «Сандық сауаттылық» оқыту курстары өтті.