Бүгін Орал газ, мұнай және салалық технологиялар колледжінде «BIM технологияларын техникалық және кәсіптік білім беру жүйесіне енгізу» тақырыбында ақпараттық оқыту семинары өтті. Семинарға Облыстық білім басқармасы басшысы Шолпан Қадырова, «Collaprime» компаниясының бас директоры – Тони Линдквист, BIM – технология саласындағы сарапшы – Микка Венчкаоя, Финдік бизнес хаб директоры - Манкеев Мухтар, Digital Academy директоры - Маркенов Султанбек, содай-ақ құрылыс компанияларының басшылары, мұнай-газ компанияларының басшылары, техникалық және кәсіптік білім ұйымдарының директорлары, оқу-әдістемелік бірлестіктердің төрағалары қатысты.
Шараны өткізудегі басты мақсат - BIM технологиясының 3D проектісін оқу үрдісінде қолдануға оқытушыларды үйрету. Жүйені енгізу бойынша жоба құрылымдарды ақпараттық моделдеу, виртуальды жобалау мен құрылыс бойынша курс, онлайн – тренинг, жұмыс тәжірибесімен Финляндияға семинарға бару сынды үш кезеңнен тұрады.