Облыстық бастауыш сынып мұғалімдері олимпиадасы |
Ағымдағы жылдың 14-15 қарашасында Орал қаласында білім басқармасының және мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен «Облыстық бастауыш сынып мұғалімдері олимпиадасы» өткізілді. Байқауға 13 үміткер өтініш беріп қатысты. Мақсаты: Шығармашылықпен жұмыстанатын педагогтардың тәжірибелерін қолдау және насихаттау. Байқау екі кезеңнен тұрды: аудандық және облыстық кезеңдер. Олимпиаданың облыстық кезеңі 3 турда өтті: 1-ші тур Оқу материалдарын игеру деңгейін анықтау мақсатында құқықтық, педагогикалық-психологиялық және пәндік білімді сараптау мақсатында тест жұмысы жүргізілді. 2-ші тур мұғалімдердің шығармашылық шеберлігін анықтау мақсатында «Бастауыш сыныптарда білім сапасын арттыруда ақпараттық технологияның маңызы» атты тақырыпта мастер-класс өткізді. 3-ші тур мұғалімдер пәндік электронды сабақтар құрып, бағдарламаларын қорғады. Әділқазылар алқасы мұғалімдердің шығармашылық жұмыстарын, тапсырмаларды орындау деңгейлерін, ақпараттық-коммуникациялық технологияларды меңгеруін, кәсіби шеберлігін, жеке тұлғалық қасиеттерін бағалады. Қазылар алқасының бағалауы қорытындысында өз білімдерін жүйелі түрде шығармашылықпен жетілдіре білген ұстаздар төмендегідей жүлделі орындармен бөлісті. 1 орын - Тасқала ауданы Қ.Сәтпаев атындағы ЖОББМ бастауыш сынып мұғалімі Нагиева А.А. 2 орын - Ақжайық ауданы Бітік ЖОББМ бастауыш сынып мұғалімі Тарштыкова Л.М. 3 орын - Сырым ауданы Көздіғара НМ бастауыш сынып мұғалімі Кушаева А.Қ. Номинациялар бойынша: «АКТ құралдарын қолданудың шебері» - Адешова К.И., Бөкейорда ауданы, Жәнгірхан ат. ЖОББМ. «Талантты ұстаз» - Утегенова Г.Т., Казталов ауданы, Казталов ЖОББМ. «Жаңа ғасыр ұстазы» - Галимова Ш.Қ., Қаратөбе ауданы, Қаратөбе МГ. «Дарынды ұстаз» - Диярова Г.А., Бөрлі ауданы, №5 ЖОББМ. «Шығармашыл ұстаз» - Сарсенгалиева А.Т., Жаңақала ауданы, Жаңақала ЖОББМ. Олимпиада жеңімпаздары дипломдар және бағалы сыйлықтармен марапатталды. |