Облыстық «Дисграфия. Балаға қалай көмектесу қажет?» тақырыбындағы семинар-практикумы |
Ағымдағы жылдың 17 қараша күні, мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес, ерекше білімді қажет ететін балалармен жұмыстанатын педагог-логопедтерге арналған әртүрлі дисграфикалық қателердің түрлері мен оларды жеңу тәсілдері және әдістері бойынша іс-тәжірибе алмасуы мақсатында «Дисграфия. Балаға қалай көмектесу қажет?» тақырыбында семинар-практикумы өтті. Семинарға аудандық, қалалық ЖОББМ-нің, психологиялық-педагогикалық түзеу кабинетінің, облыстық арнайы мектеп – интернатының логопедтері қатысты. Жұмыс барысында дисграфияның тәсілдері мен әдістері, оның жеңу жолдары қарастырылып, әдістемелік шеберхана нысаны ретінде ұйымдастырылды. Практикалық бөлімінде іс - тәжірибелерімен бөлісу мақсатында дисграфияның классификациясы, акустикалық дисграфия, оптикалық дисграфия бойынша мәселелері талқыланып, шеберлік сыныптар көрсетті. Семинарға қатысушылары талқыланған мәселердің маңыздылығы мен өзектілігін атап өтті және бірлескен ұсыныстар дайындады. |