Облыстық білім басқармасының 19 қазан 2017 ж. №876 бұйрығына сәйкес, туристік-экологиялық экспедиция отрядтары мүшелерімен тәжірибе алмасу және оқушыларды экологиялық мәдениетке тәрбиелеу мақсатында 2017 жылдың  1-3 қараша аралығында «Евразия» туристік-сауықтыру кешенінде «Болашаққа бағдар: рухани жаңғыру» бағдарламасы шеңберінде оқушылар арасында өткізілген «Жайық-Урал 2017» туристік-экологиялық экспедиция отрядтарының облыстық слеті өткізілді.

Слет барысында командалар «Жайық-Урал 2017» туристік-экологиялық экспедициясының III кезеңінің қорытынды іздестіру-зерттеу жұмысы, ең үздік аудандық (қалалық) балалар-жасөспірімдер туризмі және экология орталығын абаттандыру, «Орал өңірінің кіші өзендері» экологиялық-өлкетану экспедициясы, экологиялық акциялардың қорытындысы бойынша баяндама, І категориялы қиындықтағы «Жайық – Урал 2017» маршруты бойынша қорытынды есептер байқауларына қатысты.

Облыстық «Жайық-Урал 2017» слетіне 11 команда қатысты, Бөкей ордасы және Жәнібек ауданының командалары қатыспады. Жалпы қатысушылар саны – 55. Слет барысында М.Өтемісұлы атындағы БҚМУ-ң география кафедрасының оқытушылары, ОБЖТжЭО-ң қосымша білім беру педагогтары төрешілік етті.

Төрешілер шешімімен төмендегі командалар жеңімпаз болып танылды:

1орын -  Зеленов ауданының командасы;

2 орын -Ақжайық ауданының командасы;

3 орын -Орал қаласының командасы

Слет барысында «Евразия» ТСК-і ауласында 30 шырша отырғызылды және М.Өтемісов БҚМУ-ң жаратылыстану-география кафедрасына экскурсия жүргізілді.