БҚО білім басқармасының Облыстық экологиялық-биологиялық орталығының ұйымдастыруымен білім беру ұйымдарында оқушыларды экологиялық тәрбиелеуге ықпал ететін  жергілікті жердегі қоршаған ортаның экологиялық жағдайының мәселелерін зерттеу бойынша жұмыстарға, табиғат қорғау міндеттерін шешуге қатысуға, экологиялық-биологиялық білім беру мен кәсіби өзін-өзі тануға тарту мақсатында 10 қараша күні жас натуралистер мен экологтардың  облыстық форумы өткізілді.

Форумда 12 аудан, облыстық мекемелер, мектептен тыс мекемелер, Орал қаласы №34, 36, 44 жалпы орта білім беретін мектептерінен, №42 «Ақ ниет» мектеп-гимназиясынан 100  қатысушы болды.

Форум келесі бағдарлама бойынша өтті:

І. Зерттеу жұмыстары мен жобалар байқауы:
1. «Агроэкология»
2. «Омыртқалы жануарлардың зоологиясы және экологиясы»
3. «Өсімдіктердің ботаникасы мен экологиясы»

ІІ. Шығармашылық жұмыстар:
1. Сурет байқауы «Жасыл әлем балалар көзімен »
2. Әншілер байқауы «Гүлдене бер туған өлкем»
3. Мәнерлеп оқу байқауы «Кең байтақ менім елім»

III. «Құс қанатындағы арман» акциясы.

IV. Облыстық экологиялық-биологиялық орталығыда саяхат.

V. Экологиялық квест.

Форум қорытындысы бойынша Теректі ауданының Шаған ЖОББМ, лингвистикалық гимназиясы, Қаратөбе ауданының Қалдығайты ЖОББМ және мектеп гимназиясы, Жаңақала ауданы №3 ЖОББМ және Ақжайық ауданының мектеп- гимназиясы оқушылары үздік деп танылды.