2017 жылдың 20 қыркүйек күні «Дарын» қосымша білім беру орталығының базасында мектеп тәлімгерлері арасында облыстық «Ұшқын-2017» байқауы өткізілді. Байқауды ұйымдастырушылар – Батыс Қазақстан облысының білім басқармасы, «Өркен» қосымша білім беру орталығы, «Жас Ұлан» бірыңғай балалар мен жасөспірімдер ұйымы. Мектеп тәлімгерлерінің көшбасшылық және шығармашылық қабілеттерін дамыту, озат педагогикалық тәжірибені анықтау, «Жас Ұлан» ұйымы жұмысын кеңінен насихаттау және жүргізу мақсатында ұйымдастырылған байқау 4 тур бойынша өткен болатын:  «Балалық шақ штурманы» шығармашылық шеберханасы, «Біргеміз, берік іргеміз» балалар ұйымының креативті таныстыру сайысы, «Үздік тәлімгер» викторинасы және «Біз ойнайтын ойындар» іскерлік ойындар байқауы. Байқаудың әр кезеңіне үлкен қызығушылықпен қатысқан тәлімгерлер белсене қатысып, өз өнерлерін сахна төрінде көрсетті.

Байқау нәтижесінде, I орынды Сырым ауданы Қаналиев ЖОББМ-нің тәлімгері Жұмағазиев Нұрболат, II орынды Ақжайық ауданы Абай мектеп-гимназиясының тәлімгері Мендалиева Гүлфайруз, III орынды Казталов ауданының Жас НЖББМ тәлімгері Рахымова Айкөркем жеңіп алды. Барлық қатысушылар мен жеңімпаздар Батыс Қазақстан облысы білім басқармасының дипломдарымен, алғыс хаттарымен және сыйлықтарымен марапатталды.