2017 жылдың 18 – 20 қыркүйек күндері Батыс Қазақстан облысының білім басқармасының «Өркен» қосымша білім беру орталығы «Жас Ұлан» бірыңғай балалар мен жасөспірімдер ұйымының қатысуымен мектеп тәлімгерлеріне арналған облыстық «Тәлімгер мектебі» семинар-тренинг ұйымдастырды. Семинар-тренингтің мақсаты - мектеп тәлімгерлерінің кәсіби-педагогикалық ұйымдастырушылық деңгейін арттыру, балалармен жұмыстану барысында түрлі факторлар мен көптеген қызмет бағыттарын ескеру туралы түсініктерін қалыптастыру, бірыңғай «Жас Ұлан» балалар мен жасөспірімдер ұйымының қызметіндегі жаңа үрдістермен таныстыру. Шараға 12 аудан және Орал қаласы мектептерінен 42 тәлімгер қатысты

Семинар аясында тәлімгерлерге арналған оқу-тренингі, «Жас Ұлан» бірыңғай балалар мен жасөспірімдер ұйымы қызметінің негіздерін түсіндіру жұмыстары, ойын технологиясы, жіптік курс кешені, аэродизайн шеберлік сыныптары оздырылды. Сондай-ақ, мектеп тәлімгерлеріне дебат клубтарының жұмысын жүргізу теориясы және практикасы, әлеуметтік жоба жазу үлгілері, тәлімгерлердің жинақ папкасы талқыланды. Сонымен қатар, әр ауданның үздік тәлімгерлер тәжірибесімен танысып, облыстық балалар үйінің директоры Л.Батырғалиевамен «Тәлімгер: Кеше.Бүгін.Ертең» тақырыбында коучинг-терапиясы өткізілді. Шара соңында қатысушыларға білім басқармасының сертификаттары табысталды.