ҚР Білім және ғылым министірлігінің жоспарына сәйкес «Рухани жаңғыру» бағдарламасын іске асыруда білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу мақсатында ағымдағы жылғы 21-23 қыркүйек күндері Орал қаласында «Экспо-2017» шеңберінде «Қазақстан – менің елім» жас өлкетанушылар, экологтар мен табиғат зерттеушілерінің Республикалық форумы өткізілді.

Форумға  еліміздің барлық облыстары мен Астана, Алматы және Орал қалаларынан 144  оқушы катысты. Форум жұмысы «Евразия» туристік - сауықтыру  кешенінде және Назарбаев Зияткерлік мектебінде өткізілді.

Республикалық форумның қатысушылары зерттеу жұмыстары мен жобалық байқау «Денсаулық және қоршаған орта»,  «Жасыл экономика»,  «Туған өлкені зерттейміз»,   «Экоәлем» видеороликтер номинациясы, «Құс қанатындағы арман» акциясы, «Құтқару шеңбері» экологиялық квесті, «Жасыл оазис» экодизайнерлер сайысы бойынша жарысқа түсті. Жалпы командалық есеп бойынша, 1 орынды - Батыс Қазақстан облысының командасы, 2 орынды  -Алматы қаласының командасы, 3 орынды  -Атырау облысының командасы иеленді.