14 қыркүйек күні жас ұрпақтың бойында сыбайлас жемқорлыққа қарсы мәдениет пен жауапкершілік, патриоттық сезімдерін қалыптастыру мақсатында Орал қаласының оқушылар және жастар сарайында «Адал ұрпақ» клубының облыстық слеті оздырылды.

Аталған слетке аудандық, облыстық мектептер және Орал қаласының «Адал Ұрпақ» ерікті клубтарының делегаттары, жалпы 100 оқушы қатысып, слетті Батыс Қазақстан облысы білім басқармасы басшысының міндетін атқарушы З.Гумарова алғысөзбен ашып, «Адал ұрпақ» клубтарының белсенділерінің атқарып жатқан жұмыстары бойынша тоқталды. Қонақтармен еркін пікір алмасу өткізіліп, көшбасшы оқушылар өз ойларын ортаға салды. Еркін пікір алмасу «Адалдық алақаны» эстафетасымен жалғасты. «Ұланымыз ұлы елдің» «Адал ұрпақ» клубының үгіт тобы қонақтарға дайындаған шығармашылық нөмірлерін ұсынды. Слет барысында «Адал ұрпақ» еріктілер клубына жаңа мүшелерді қабылдау салтанаты өткізіліп, оқушылар арнайы «Адал ұрпақ» төсбелгісімен марапатталды. Шара барысында, оқушылар сарайының холлында «Шыншылдық. Адалдық. Адамгершілік» тақырыбында суреттер көрмесі ұйымдастырылды.