2017 жылдың 8-9 қыркүйек күндері жаңартылған білім беру стратегиясы жағдайында аудандық (қалалық) әдістемелік кабинет меңгерушілерінің теориялық, практикалық білімдерін жаңарту және тереңдету мақсатында «Кәсіби шеберхана» мектебінің кезекті отырысы өтті.

Отырыс барысында «Мектепті дамыту жоспары – сапалы білім беру кепілі» мәселесі талқыланып, оның құрылуы бойынша ұсыныстар берілді. Орал қаласындағы Педагогикалық Шеберлік орталығы филиалының өкілдері «Сабақты зерттеу» (Lesson Study) жобасы әмбебап әдістемелік құрал ретінде» және «Жаңартылған білім беру бағдарламалары бойынша сабақты жоспарлау: әдістемелері, техникасы, құралдары» тақырыптарында талқылау жүргізді. 2, 5 және 7-сыныптардағы жаңартылған білім беру бағдарламасының ерекшеліктері бойынша Орал қаласындағы Назарбаев Зияткерлік мектебі мен Теректі ауданының Шаған ЖОББ пилоттық мектебінің мұғалімдері өз іс-тәжірибелерімен бөлісті. «Көпшілік алдында сөз сөйлеу шеберлігі» атты шеберлік сыныбы өткізіліп,  «Аттестаттау – маңызды бағалау құралы ретінде және педагогикалық қызметкерлердің кәсібилігін дамыту» атты жобасын қорғады.

Мектеп қатысушылары талқыланған мәселелердің маңыздылығы мен өзектілігін атап өтті және бірлескен ұсыныстар дайындады.