«Үздік қосымша білім беру педагогы» облыстық байқауы туралы ақпарат |
Ағымдағы жылдың 14-15 қарашасында Орал қаласында білім басқармасының және мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен «Үздік қосымша білім беру педагогы» облыстық байқауы өткізілді. Байқауға 11 үміткер өтініш беріп қатысты.
Мақсаты: Білім беру жүйесіндегі балалардың таланттарын, қабілеттерін, қызығушылықтарын дамытуда, білім алушылардың жалпы мәдениетін қалыптастыруда қосымша білім берудің рөлін көтеру. Байқау екі кезеңнен тұрды: сырттай және күндізгі кезеңдер. Байқаудың сырттай кезеңі 3 турда өтті: 1 – ші тур «Менің білім беру бағдарламам» атты жүргізетін оқу-тәрбие жұмысының бағдарламасы. 2 – ші тур қатысушылардың портфолиясы. 3 - ші тур қатысушылардың бейнетаспаға түсірілген ашық сабақтары. Күндізгі кезең 2 турда, облыстық балалар мен жасөспірімдер туризмі және экология орталығының базасында өтті: 1 – ші тур «Менің педагогикалық сенімім» өзіндік тұсау кесері. 2 – ші тур « Менің білім беру бағдарламам» атты панорамалық сабақ. Қазылар алқасының шешімі бойынша төмендегі қосымша білім беру педагогтары жүлделі орындарды иеленді: 1 орын - Чарикова Ольга Федоровна (Зеленов ауданы ) 2 орын - Складанюк Виталий Владимирович (Бөрлі ауданы ) 3 орын - Каширин Виталий Владимирович (Орал қаласы) Номинациялар бойынша: «Ең үздік авторлық бағдарлама» - Избасаров Даняр Нұрболатұлы (Ақжайық ауданы) «Тәжірибе және шеберлік» - Батыршин Бейбіт Ахметұлы (Сырым ауданы) Байқау жеңімпаздарыдипломдар және бағалы сыйлықтармен марапатталды. |