V аймақтық «Математикалық регата» турнирі |
2017 жылдың 28 cәуір күні Ақтау қаласында Қазақстанның батыс өңірін құрайтын Батыс Қазақстан, Атырау, Ақтөбе және Маңғыстау облыстарының математика пәні мұғалімдері арасында V аймақтық «Математикалық регата» турнирі өтті.
Шығармашылықпен жұмыс жасайтын педагогтарды анықтау, қолдау және мәртебесін көтеру мақсатында 2017 жылдың 28 cәуір күні Ақтау қаласында Қазақстанның батыс өңірін құрайтын Батыс Қазақстан, Атырау, Ақтөбе және Маңғыстау облыстарының математика пәні мұғалімдері арасында V аймақтық «Математикалық регата» турнирі өтті. Турнирге Қазақстанның батыс өңірінен 7 топ қатысты. Байқау қорытындысы бойынша: І орын - Ақтөбе облысының «Экстрим» тобы, Маңғыстау облысының «Пирамида» тобы; ІІ орын - Батыс Қазақстан облысының «Вектор» және «Батыс» топтары; ІІІ орын - Атырау облысының «Пирамида» және «Константа» топтары; Номинация – Маңғыстау облысының «Өрлеу» тобы иеленді. "Вектор" тобының құрамында математика пәнінің мұғалімдері Бөрлі ауданы Ақсай қаласы №4 жалпы орта білім беретін мектебінен Б. Кабасов, Орал қаласы №35 мектеп-лицейінен Е.Стульников, Жаңақала ауданы Жаңақала мектеп-гимназиясынан Г.Боранбаева, Орал қаласы №13 жалпы орта білім беретін мектебінен З.Гасанов және "Батыс" тобы, оның құрамына дарынды балаларға арналған мамандандырылған С.Сейфуллин атындағы №11 облыстық қазақ мектеп - интернат кешенінен С.Казиханов және Г. Мұсағалиева, облыстық дарынды балаларға арналған мамандандырылған мектеп-интернатынан А. Кудряшов, Орал қаласы №41 жаратылыстану-математика бағытындағы мектеп-лицейінен Г.Мұсағалиева сынды математика пәнінің мұғалімдері кірген. Турнирдің жеңімпазы мен жүлдегерлері дипломдар және бағалы сыйлықтармен марапатталды. |