2017 жылдың 27 сәуір күні Орал қаласындағы №37 жалпы орта білім беретін мектебі мен №47 мектепке дейінгі ұйым базасында «Білім беру мекемелерінде отбасы жағдайында ерекше білімді қажет ететін балаларды әлеуметтендіру» атты халықаралық ғылыми – практикалық конференциясының іс – тәжірибені қорыту (жинақтау) мен тарату, ерекше білімді қажет ететін балаларға инклюзивті білім беруде тың шеберлікті қолдана отырып, оларды қоғамдық ортаға араластыру арқылы оқу жүйесіне таратуды ұйымдастыру мақсатында өткізілді.

Конференцияға Атырау, Ақтөбе, Батыс Қазақстан облыстары және Ресей Федерациясының Самара, Саратов облыстарының өкілдері; сондай-ақ білім беру ұйымдарының басшылары, арнайы мектеп – интернатының директорлары, оқу-ісі жөніндегі орынбасарлары, мектепке дейінгі тәрбие мен оқыту ұйымдарының, психологиялық – медициналық – педагогикалық кеңес беру мекемелері, психологиялық – педагогикалық түзеу кабинеттерінің меңгерушілері, дефектологтер, логопедтер, психологтер қатысты.

Пленарлық бөлімде Ақтөбе және Батыс Қазақстан облыстарының инклюзивті білім беру жүйесі, жалпы білім беретін ортада ерекше қажеттіліктері бар балаларды түзете - дамыта оқытуды ұйымдастыру жолдары сөз болды.

«Білім беруді қажет ететін оқушыларды қолдау мен білім беру ортасына бейімдеуде білім беру ұйымы басшысының рөлі» тақырыбында дөңгелек үстел ұйымдастырылды.

Конференцияға барлығы 250 адам қатысты. Конференцияға қатысушылар Батыс Қазақстан облысы білім басқармасының сертификатына ие болды.