«Бастауыш сынып оқушылары арасында ағылшын тілін оқытуда сын тұрғысынан ойлау әдістерін қолдану»атты облыстық семинар-практикум |
2017 жылғы 27 сәуір күні Батыс Қазақстан облысы білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен С.Сейфуллин атындағы №11 облыстық дарынды балаларға арналған мамандандырылған мектеп-интернат кешені базасында «Бастауыш сынып оқушылары арасында ағылшын тілін оқытуда сын тұрғысынан ойлау әдістерін қолдану» тақырыбында облыстық семинар-практикум ұйымдастырылды. Семинардың мақсаты ағылшын тілі пәні мұғалімдерінің білім беру үрдісінде жаңа педагогикалық идеяларды енгізу арқылы оқушылардың сын тұрғысынан ойлау қабілетін арттыру . Сонымен қатар, семинар барысында мұғалімдер сын тұрғысынан ойлау технологиясын өздерінің сабақтарында қолдану бойынша озық тәжірибелерін ортаға салып,ойларымен бөлісті. Семинарға 35 мұғалім қатысып, ұсыныстар қабылданды. |