«Отан қорғаушы - 2017» әскери-патриоттық ойыны |
Қазақстан Республикасы Қарулы күштерінің 25 жылдығына арналған «Отан қорғаушы - 2017» әскери-патриоттық ойынына облыстың қала және аудан колледждерінен жиналған 26 команда қатысты. Сайыс бағдарламасына саптық дайындық, белтемірге тартылу, пневматикалық винтовкадан оқ ату, автоматты толық емес жинап-шашу, арқан тарту, сондай-ақ, әскерилендірілген кросс енгізілді. Әділқазылар алқасы - БҚО қорғаныс істері жөніндегі департаментінің аға маманы Ж.Қ.Абдрахманов, №5517 әскери бөлімінің полк сержанты У.Ш.Муканов, Орал қалалық оқу-әдістемелік кабинетінің АӘД пәні бойынша әдіскері М.А. Нурканов объективті түрде жұмыс атқарды. Жарыс қорытындысы бойынша І орынды Құрманғазы атындағы саз колледжі жеңіп алды, ІІ орынға Жәнібек және Орал газ, мұнай және салалық технологиялар колледждері ие болды, ІІІ орынды Теректі және Батыс Қазақстан индустриалды колледж командалары алды. |