Ағымдағы жылдың 21 ақпанында Орал политехникалық колледжі базасында Батыс Қазақстан облыстық білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің жұмыс жоспарына сәйкес «Жаңа білім беру бағдарламаларын құрастыру әдістері» оқыту семинары өтті.

Семинар жұмысына техникалық және кәсіптік білім беру арнайы пән оқытушылары мен өндіріс шеберлері қатысты.

Семинардың мақсаты: оқу үдерісіне модульдік білім беру бағдарламаларын енгізудің тиімділігі мен жасақтаудың әдістемесімен таныстыру, модульдік оқыту бағдарламаларын құрастырудағы негізгі мәселелерді талқылау.

Оқыту семинар ақпараттық және танымдық бөлімнен тұрды.

Ақпараттық  бөлімінде «Кәсіпқор» холдингінің жаңа білім беру бағдарламалары бойынша штаттан тыс тренерлері модульдік оқу бағдарламалары, модульдік оқыту технологиясын енгізу, Кәсіпқор» холдингі КЕАҚ әзірлеген білім беру бағдарламары негізінде оқу жұмыс жоспарын құрастырудың әдістері мен практикасы және оқу модульдерінің перспективті (күнтізбелік) – тақырыптық, сабақ жоспарларын құрастыру туралы толық ақпарат берді.

Танымдық бөлімде Батыс Қазақстан индустриалды колледжінің арнайы пән оқытушылары мен өндірістік шеберлері өз тәжірибелерімен бөлісті.

Семинарға қатысушылар  модульдік оқыту технологиясы бойынша жұмыстық оқу жоспарын жасау және модульдік оқыту технологиясы жағдайында оқу процесін ұйымдастыру құрылымы бойынша практикалық дағдылар алды.