ХХVІІІ Бүкіләлемдік қысқы Универсиадаға орай шағын футболдан мектеп және колледж оқушыларының облыстық VІІІ қысқы Спартакиадасы |
Ағымдағы жылғы 14-16 ақпан күндері арасында салауатты өмір салтын насихаттау мақсатында Батыс Қазақстан облысының білім басқармасы «Өркен» қосымша білім беру орталығы мен Батыс Қазақстан облысының дене шынықтыру және спорт басқармасының ұйымдастыруымен шағын футболдан мектеп және колледж оқушыларының облыстық VІІІ қысқы Спартакиадасы өткізілді. «Арман» спорт кешені мен №10 ЖОББМ-нің спорт залында өткен шараға облысымыздың жас спортшылары қатысты. Ұлдар командасынан аймақтық ойындарының жеңімпаз 7 командасынан 120 оқушы қатысты. Қыздар командасына 9 құрама командалары қатысып, 108 оқушы қамтылды. Төрешілер алқасының шешімі бойынша жалпы командалық есеп бойынша, ұлдар командасынан: І орын - Орал қаласы, ІІ орын - Теректі ауданы, ІІІ орын - Жаңақала ауданының құрама командалары жеңіске жетті. Қыздар командасынан: І орын - Теректі ауданы, ІІ орын - Орал қаласы, ІІІ орын - Бөрлі ауданының құрама командалары жеңіске жетті. Жеңімпаздар білім басқармасының дипломдарымен және медальдармен марапатталды. |