Мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің ұйымдастыруымен 2017 жылдың 14 ақпанында қазіргі қоғамымызда белең алған суицид мәселесі бойынша ақпараттандыру, жасөспірімдердің бойында позитивті  өмірлік ұстанымын қалыптастыру бағытында педагог-психологтерге әдістемелік көмек беру мақсатында «Суицидтік мінез-құлықтың және жыныстық қол сұғушылықтың алдын алу» атты облыстық оқыту семинары оздырылды.

Семинар отырысына Батыс Қазақстан облыстық прокуратурасының аға көмекшісі А.Исмагулова, психикалық денсаулық орталығының балалар суицидологі А.Гайсагалиева, техникалық және кәсіптік білім беру ұйымдарының педагог-психологтері қатынасты.

Семинар барысында суицид превенциясы, суицидтің алдын алу бойынша құқық қорғау органдарының рөлі, жыныстық тәрбие берудегі психо-профилактикалық әрекет түрлері және жасөспірімдердің бойында позитивті өмірлік ұстанымын қалыптастырудағы ата-ананың рөлі, жыныстық тәрбие беруде психологиялық кеңес беруді ұйымдастыру жолдары, суицидтік мінез-құлықтың психофизиологиялық және әлеуметтік ерекшеліктері бойынша практикалық жұмыстар көрсетіліп, өз-өзіне қол жұмсау әрекетінің алдын алуда ата-аналардың рөлі тақырыбында психологиялық кеңестер берілді.

Семинар соңында семинарға қатысушылар пікір алмасып, ұсынбалар қабылдады.