2016 жылғы 23 желтоқсан күні «Funky town» ойын-сауық саябағында Батыс Қазақстан облысының білім басқарамасы, «Өркен» қосымша білім беру орталығы, «Жас Ұлан» бірыңғай балалар мен жасөспірімдер ұйымымен жыл сайын өткізілетін «Жүз бақытты жүрек» акциясы шеңберінде есту және сөйлеу қабілеті бұзылған балаларға арналған мектеп-интернат кешені, отбасы үлгісіндегі балалар ауылы тәрбиеленушілерімен аз қамтылған отбасы балаларына арналған Жаңа жылдық шырша мерекесі өтті. Аталған акцияның мақсаты: мүмкіндігі шектеулі жасөспірімдерге қоғам назарын аудару, жаңа жылдық  көңіл-күй сыйлау, «Жас ұлан» ұйымдарының жұмысын жандандыру.

Мерекелік шыршаға жалпы 75 бала қатысты. Шара барысында қатысушылар түрлі аттракциондарда ойнады. Демеушілер атынан жаңа жылдық сыйлықтарға ие болды.

Сонымен қатар, акция шеңберінде 29 және 30 желтоқсан күндері «Жас ұлан» ұйымының белсенділері Аяз ата мен Ақшақар кейіпкерлеріне айналып, мүмкіндігі шектеулі жандардың үйлерін (15) аралап, оларға мерекелік көңіл-күй мен сыйлықтарды табыс ететін болады.