Мәңгілік  рухани – адамгершілік  құндылықтарға студенттерді тәрбиелеу және адамгершілік тәрбиені дамыту мақсатында Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен ағымдағы жылдың 14 желтоқсан күні Республикалық жоғары техникалық колледжі базасында «Мәңгілік жалпыадамзаттық құндылықтар – рухани–адамгершілік білім берудің негізі» атты облыстық оқыту семинары оздырылды.

Оқыту семинар жұмысына білім басқармасы, М.Өтемісов атындағы БҚМУ, «Өрлеу» біліктілікті арттыру ұлттық орталығы» акционерлік қоғамының филиалы Батыс Қазақстан облысы бойынша педагогикалық қызметкерлердің біліктілігін арттыру институтының қызметкерлері және техникалық және кәсіптік білім беру ұйымдарының «Өзін-өзі тану» пәні оқытушылары қатысты.

Оқыту семинар жұмысы екі бөлімнен тұрды: теориялық және практикалық. Теориялық бөлімде өзін-өзі тану пәні оқытушыларына қойылатын негізгі талаптары мен адамның ішкі рухани-адамгершілік дүниесінің негізгі нысандар жайлы айтылса, практикалық бөлімде «Өзін-өзі тану» пәні бойынша шеберлік сыныптар көрсетілді.

Семинарға қатысушылар аталған шараның өзектілігі және оның мазмұнын жоғары екендігі айтылды.

МДЖОТжКББҰ облыстық
оқу-әдістемелік кабинеті