Отбасылық тәрбиенің үздік үлгілерін насихаттау, ата-аналардың мектеппен тұрақты қарым-қатынасын қалыптастыру, отбасы тарихын және отбасы дәстүріне деген қызығушылықтарын дамыту мақсатында облыстық білім басқармасы мен «Өркен» қосымша білім беру орталығының ұйымдастыруымен 28 қараша күні Қазақстан Республикасы Тәуелсіздігінің 25 жылдығына арналған облыстық «Алтын ұя» отбасылар байқауы өткізілді.

Байқауға мектеп және қоғам өміріне белсене араласып жүрген, балаларына өнегелі тәрбие, кәсіби бағдар беріп отырған үздік отбасылар қатысты.

Байқау шартына сай отбасылар «Отбасымыздың ыстық сәлемі» таныстыруы, «Отбасы таланттары» шығармашылық үй тапсырмасы, «Ынтымақты отбасы» презентация байқауы, «Бақытты жанұя – бақытты ел» фотокөрме және «Менің елім - Қазақстан!» сурет акциясы бойынша сынға түсті.

Облыстық отбасылар байқауының нәтижесінде, Гран-при жүлдесін - Бөкей ордасы ауданан Ермекқалиевтер отбасы, І орынды - Ерғалиевтер отбасы Сырым ауданы, ІІ орынғды - Шыңғырлау ауданан Құсайыновтар отбасы және Зеленов ауданан Мұқаналиевтер отбасы иеленді, ІІІ орын Ақжайық ауданан Кайыргужиндер отбасы мен Бөрлі ауданан Түгелбаевтар отбасы және Теректі ауданан Әубәкіровтер отбасы алды.

Сайыта сынға түскен басқа отбасылар арнайы аталымдар және барлық сурет салған балақайларға алғыс хаттар берілді. Жеңімпаздар білім басқармасының дипломдарымен  және бағалы сыйлықтармен марапатталды.