Қазақстан Республикасы Тәуелсіздігінің 25 жылдығына орай «Ұлы дала елі»-Тәуелсіздіктің 25 негізі» атты 25 жұлдызды күн жоспарына сәйкес, 2016 жылғы 28 қараша күні барлық білім беру мекемелерінде оқушылардың Қазақстанның Тәуелсіз мемлекет ретінде қол жеткізген жетістіктеріне мақтаныш сезімдерін ояту мақсатында «Қазақстан Республикасы ұлттық валютасының енгізілу тарихы» атты ашық лекциялар өтті. Оқушыларға ақшаның пайда болу тарихы, өз ұлттық теңгеміздің айналымға енуі туралы толық мағлұматтар беріліп, жаңадан айналымға енген ұлттық валюта, оны енгізудің қажеттілігі, безендірілуі туралы кеңінен таныстырылды. Ақшаның экономикадағы маңыздылығы туралы айтылды.

Шара барысында оқушылар теңгенің құпия қорғанысы белгілерімен, ұлттық валютамыздың дизайнын жасаушы авторлық топтың жетекшісі Т.Сүлейменовтың жұмыстарымен және ұлттық теңгеміздегі қазақтың ою-өрнектерімен танысты.