2016 жылғы 8-10 қараша күндері Алматы қаласында «Бөбек» Ұлттық  ғылыми - практикалық, білім беру және сауықтыру орталығында «Өзін-өзі тану» пәнінен оқушылардың Республикалық олимпиадасы өткізілді. Олимпиадаға 14 облыс, Астана және Алматы қалаларынан  қатысты.

Облыстық олимпиаданың жеңімпаздары Батыс Қазақстан облысының намысын қорғап, жүлделі орындарға ие болды. Қаратөбе ауданы Қаратөбе мектеп-гимназиясының 9-сынып оқушысы Есенгелді Айым, Дарынды балаларға арналған мамандандырылған С.Сейфуллин атындағы №11 облыстық қазақ мектеп-интернат-кешенінің 9-сынып оқушысы Нұржігітқызы Дана, Орал №46 ЖОББМ-нің 8-сынып оқушысы Бақтиярова Айшат - I орындарды, Тасқала ауданы «Сәулет» мектеп-лицейінің 7-сынып оқушысы Дюсембиева Сауле – II орын иеленді. Команда жетекшісі М.Өтемісов атындағы облыстық сауықтыру мектеп-интернатының «Өзін-өзі тану» пәні мұғалімі Қажиева Гүлмира Кисметқызы «Бөбек» ҰҒПББСО-ның Алғыс хатымен  марапатталды.