Қазақстан Республикасы Тәуелсіздігінің 25 жылдығы қарсаңында 24 қазан күні 2017 жылдың 29 қаңтары мен 8 ақпаны аралығында Алматы қаласында өтетін 28-ші Дүниежүзілік қысқы Универсиаданы қолдау мақсатында «Универсиаданың басталуына 100 күн» мәдени-спорттық жобасы аясында аудандық, қалалық және облыстық  білім мекемелерінде  дене шынықтыру күні өткізілді.

"Универсиадаға дейін 100 күн" спорттық-мәдени жобасында дене шынықтыру пәні мұғалімдері және спорт шеберлері қатысуымен оқушылар арасында өткен көпшілік таңғы жаттығуға 4-11 сынып оқушыларымен қоса педогогтар мен ата-аналар, басқа да қызметкерлер белсенділік танытты. Орал қаласының барлық  мектептерінде осындай шара атақты спортшылар, спорт ардагерлерінің қатысумен «Жас Ұлан» бірыңғай балалар ұйымының оқушыларымен бірге жаттығу жасады. Шараға 30 мыңға тарта адам қатысты.