Қазақстан Республикасы Білім және ғылым министрлігінің Мектепке дейінгі және орта білім департаменті 5 қазан Халықаралық Мұғалімдер күні, 2 қазан Қазақстан Республикасындағы Мұғалімдер күні мерекесіне арналған бүкілқазақстандық «Ұстазыңды ұлықта!» акциясын жариялайды.

Акцияның мақсаты - педагогтың беделін арттыру, оның оң имиджін қалыптастыру, білімін, құнды өмірлік тәжірибесін және адамгершілік негізін қалыптастырған мұғалімдерге қамқорлық көрсету және көңіл бөлу; білім және педагог қызметкерлер мәселелеріне қоғамның назарын аударту; ел азаматтары тарапынан педагогтарға құрмет білдіру.

Акцияны өткізу мерзімі: 2016 жылғы 26 қыркүйек - 5 қазан аралығы.

Акцияға қатысушылар: оқушылар және республиканың барлық ниет білдіруші азаматтары.

Мереке қарсаңында білім беру ұйымын бітірген республика азаматтары өз мұғалімдеріне тілек ниеттерін білдірулере отырып құрмет көрсетулер ұсынылады.

Акцияның тартымды, қызықты, мерекелі сезімге толы болып өтуі үшін жұртшылықтың жаппай қатысуын қамтамасыз ету қажет.

Акция шеңберінде:
- мерекелік бағдарламалар, кездесулер, құрмет көрсету іс-шараларын өткізуді;
- БАҚ-та барлық іс-шараларды жариялауды;
- білім беру ұйымдарының, органдарының сайттарында әлеуметтік желілерде және мектеп сайттарында педагогикалық еңбек ардагерлері және озат мұғалімдер туралы материалдар орналастыруды; құттықтауларға арналған интернет желісінде рубрикалар ашуды;
- акция туралы интернет желісінде түлектерге хабарлама жолдауды ұсынады.