2016 жылдын 22-23 тамызында Батыс Қазақстан облысы білім басқармасының мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинеті және облыстық балалар-жасөспірімдер туризмі және экология орталығының ұйымдастыруымен Жәнібек ауданында  «Мәңгілік Ел» жалпыұлттық идеясы призмасы арқылы азаматтыққа, патриотизмге, толеранттылыққа тәрбиелеудегі, қазақстандық бірегейлікті қалыптастырудағы балалар-жасөспірімдер туризмінің рөлі туралы»  тақырыбында секция отырысы өткізілді.

Кеңес отырысының жұмысында ҚР балалар-жасөспірімдердің туризм жүйесін дамытудың 2015-2018 жылдарға арналған тұжырымдамалық негіздерін іске асыруда ішкі туризмді дамыту, балалар мен жасөспірімдер туризмінің туристік-өлкетану қызметіндегі рөлі және туристік-өлкетану қызметі арқылы оқушыларды шығармашылық жағынан дамыған жеке тұлға ретінде тәрбиелеу мәселелері қаралды.

Секция барысында велосипед туризмі, жаяу туризм, спорттық бағдарлау, шыңға өрмелеу техникаларын үйретуде тактикалық тәсілдерді қолдану бойынша шебер сыныптар өткізілді.

Секцияларды қорытындылау барысында пікір алмасу өтіп, ұсынымдар қабылданды.