Тамыз кеңесінің «Жаңартылған білім беру аясында білім беру саласын жетілдірудің жаңа бағыттары» атты секциялық отырыстарының негізгі тақырыбы аясында облыстық оқу-әдістемелік кабинетінің ұйымдастыруымен ағымды жылдың 3 тамыз күні №47 ЖОББМ базасында орыс тілі мен әдебиеті пәні мұғалімдері мен әдіскерлерінің «Көптілді білім беруді дамыту жағдайындағы заманауи сабақты жобалау мен оқушылардың оқу ынтасын арттыру мәселелері» тақырыбында секциялық отырысы оздырылды.

Орыс тілі мен әдебиеті пәні әдіскерлері мен мұғалімдерінің секциялық отырысының негізгі мақсаты - мұғалімдердің шығармашылық ізденісін ынталандыру, педагогикалық инновацияларды енгізу.

Секция отырысына 36 аудандық (қалалық) әдістемелік кабинет әдіскерлері мен пән мұғалімдері қатысты.

Ақпараттық-аналитикалық бөлімінде 2015-2016 оқу жылының жұмысы қорытындыланып, озық педагогикалық тәжірибені таратудың және аттестатталушы педагогтердің портфолиосын рәсімдеудің талаптары айтылып талқыланды.

Практикалық бөлімі әдістемелік шеберхана түрінде ұйымдастырылып, барысында жаңартылған білім беру мазмұнына көшу аясында заманауи сабақты жобалау, дарынды балалармен жұмыс жүргізу, орыс тілі мен әдебиеті сабақтарында көптілділікті жүзеге асыру мен дамыту мәселелері қаралды, оқушылардың ішкі ынтасын арттыру бойынша оқытудың жаңа  әдістері мен формаларын қолдану бағытында шеберлік сыныптары көрсетілді.

Секция жұмысы жаңа оқу жылында білім берудің басым бағыттары мен міндеттері белгіленіп, ұсынымдар қабылдаумен аяқталды.