2016 жылдың 24 маусым күні жасөспірімдердің психологиялық денсаулығын сақтау, қолайлы әлеуметтік–психологиялық жағдай жасау және білім беру үдерісіне қатысушыларға психологиялық қолдау көрсету мақсатында колледждердің педагог–психологтарына «Білім беру ұйымдарындағы психологиялық қызметтің жұмыс істеу қағидаларын жүзеге асыру» атты облыстық семинар – практикум өткізілді.

Семинар барысында педагог-психологтарға білім беру ұйымдарындағы психологиялық қызметті жүзеге асырудағы басшылыққа алынатын құжаттар, балалар мен жасөспірімдер арасындағы құқық бұзушылықтың алдын алу, колледждерге студенттердің бейімделуі туралы ақпараттар берілді.

Педагог-психологтар «Тәуекел» тобындағы балалармен психологиялық жұмыс, тұрмыстық зорлық-зомбылықтың және жыныстық қол сұғушылықтың алдын алу, балалар мен жасөспірімдердің бойында позитивті өмірлік ұстанымын қалыптастыру, балалар мен жасөспірімдердің деструктивтік ағымдарға тартылуының алдын алудағы психологтың атқаратын қызметі туралы өз ойларын ортаға салды.

Семинар соңында қатысушылар өз ойларымен бөлісіп, ұсыныстар қабылдады.