2016 жылың 22 маусымда аудандық (қалалық) білім беру бөлімдерінің мектепке дейінгі тәрбие мен оқыту бойынша жауапты мамандарына, әдіскерлеріне, мектепке дейінгі ұйым, шағын-орталық, «мектеп-балабақша» кешендерінің басшыларына, медициналық қызметкерлеріне арналған «Мектеп жасына дейінгі балалардың өмірі мен денсаулығын қорғау, төтенше жағдайлардың алдын алу» тақырыбында  «он-лайн» тәртібіндегі семинар-кеңес оздырылды.

Семинарға Батыс Қазақстан облысы тұтынушылардың құқықтарын қорғау департаментінің мектепке дейінгі және жалпы білім беретін мекемелерінің санитарлық гигиеналық бақылау бөлімінің, эпидемиологиялық қадағалау бөлімінің басшысы, БҚО Төтенше жағдайлар департаментінің төтенше жағдайлардың алдын-алу  бөлімінің бас маманы қатысты.

Семинар барысында жазғы демалыс уақытында мектепке дейінгі білім беру ұйымдардың жұмысын ұйымдастыру, мектепке дейінгі мекемелерде балалардың өмірі мен денсаулығын қорғау, төтенше жағдайлардың алдын-алу, мектепке дейінгі мекемелерге қойылатын санитарлық гигиеналық талаптарын орындау, бала денсаулығы мен өмірін қорғау бойынша жауапкершіліктерді күшейту ұсынылды.