2016 жылдың 18 мамырында Орал газ, мұнай және салалық технологиялар колледжінде «Көптілділік заманауи білім берудің басымдықтарының бірі ретінде» тақырыбында дөңгелек үстел оздырылды.

Дөңгелек үстел жұмысына М.Өтемісов атындағы Батыс Қазақстан мемлекеттік университетінің, Ж.Досмұхамедов атындағы Орал педагогикалық колледжінің оқытушылары, физика-математика бағытындағы Назарбаев Зияткерлік мектебінің, дарынды балаларға арналған облыстық қазақ-түрік мектеп-лицей-интернатының  мұғалімдері, аудандық (қалалық) әдістемелік кабинетінің  әдіскерлері, колледждер мен жалпы орта білім беретін мектептердің жаратылыстану-математика бағытындағы пәндердің мұғалімдері мен бұқаралық ақпарат құралдарының өкілдері,  барлығы 85 адам қатысты.

Дөңгелек үстел барысында еліміздегі көптілділік  білім беру мәселелері мен перспективалары, жоғары оқу орындарында, колледждерде көптілді білім беру жүйесін енгізу, жаратылыстану – математика пәндерін ағылшын тілінде оқытуда оқушылардың жан-жақты білім алуы және көптілді  білім берудегі интернет-ресурстардың ролі туралы баяндалды.

Аталмыш шара барысында қатысушылар көптілділікті оқыту бағытында пікірлермен алмасылды. Дөңгелек үстел соңында ұсынбалар қабылданды.