2016 жылдың 14-15 мамыр аралығында Алматы қаласында «Математика пәні бойынша Қазақстандық қоғамдық бірлестігі» ұйымдастыруымен математика және физика мұғалімдерінің республикалық  олимпиадасы ағылшын тілінде оздырылды. Мақсаты: мұғалімдердің мәртебесін көтеру, кәсіби шеберлігінің өсуіне жағдай жасау, математика және физика ғылымдары арқылы математика және физика мұғалімдерін ағылшын тілінде оқытуға тарту.

Республикалық олимпиадаға 74 ағылшын тілін меңгерген математика және физика мұғалімдері қатысты. Олардың ішінде Батыс Қазақстан облысынан 3 мұғалім: математика пәнінен - 2 мұғалім және физика пәнінен - 1 мұғалім. Байқау қорытындысы бойынша:

Математика пәні мұғалімдері арасында Бөрлі ауданы Ақсай қаласы №4 жалпы орта білім беретін мектептің мұғалімі Б.Б. Кабасов ІІІ орын иеленсе, физика пәні мұғалімдері арасында Батыс Қазақстан облысы дарынды балаларға арналған қазақ-түрік мамандандырылған мектеп-лицей-интернатының мұғалімі Е.С.Серікбаев ІІІ орын алды. Батыс Қазақстан облысының мұғалімдері командалық есепте І орынға ие болды.