Ауылшаруашылық мамандығы бойынша заман талабына сай маман дайындау үрдісінде білім беру ұйымдары қызметкерлері арасындағы нәтижелі қарым-қатынас әдістері мен олардың атқарылу бағыттарын анықтау, ауылшаруашылық мамандарының беделін көтеру, әріптес колледждермен іс-тәжірибе алмасу, педагогикалық шеберлігін, өндірістік оқыту мазмұнын жетілдіру  мақсатында  2016 жылдың 12 мамырында Жалпақтал аграрлық және салалық технологиялар колледжі базасында техникалық және кәсіптік білім беру ұйымдарының оқу-әдістемелік кабинетінің ұйымдастыруымен «Ауылшаруашылығының тұрақты дамуын қамтамасыз етуде кәсіптік оқытудың  маңыздылығы»  тақырыбындағы облыстық практикалық семинары оздырылды.

Семинар жұмысына Дорремсервис» ЖШС-нің басшысы М. Ахметжанов, Казталов ауданының ауылшаруашылығы бөлімінің басшысы С.Тоқпанов, ауыл колледждерінің өндірістік оқыту шеберлері, арнайы пән оқытушылар қатысты.

Семинар екі бөлімнен тұрды. Бірінші бөлімде кейс стади әдісі арқылы мәселелерді шешу жолдарын  ұсыну үшін қатысушылармен топтық жұмыстары  жүргізілді.  Ментальная карта  әдісі арқылы үш топ, әр  қайсысы үш өзекті проблема шешімін тауып, өз  ұсыныстарын  әзірлеп  ұсынды. Екінші бөлімде өндірістік сабақ Ақпәтер ауылдық округінің «Қамқор» шаруа қожалығында өткізілді, студенттер іс жүзінде жер өңдеу жұмысы, шөп тайлағышын іске қосу арқылы жұмыстарын көрсетті.

Семинардың қорытындысы бойынша ой-пікірлері ортаға салынып, ұсыныстар берілді.

МДЖОТжКББҰ ООӘ кабинеті