Облыстың білім беру ұйымдары оқушыларының үздік білім ресурстары мен технологияларына тең қолжетімділігін қамтамасыз ету және оқу үрдісін автоматтандыруды енгізуге жағдайлар жасау мақсатында 2013 жылдан бастап Қазақстан Республикасында білім беруді дамытудың 2011 – 2020 жылдарға арналған Мемлекеттік бағдарламасы шеңберінде облыстың 118 білім беру ұйымына республикалық бюджет есебінен «e-learning» электрондық оқыту жүйесі енгізілді.

2013 жылы аталған жобамен облыстың 44 мектебі (27 ауылдық және 17 қалалық) қамтылып, кеңжолақты интернетке қатынауды қамтамасыз ететін жаңа үлгідегі компьютерлермен жарақтандырылды.

2014 жылы 74 білім беру ұйымы (62 мектеп  және 12 колледж) 4-10 Мбит/с жылдамдықпен кеңжолақты интернетке қосылды, бірақ электрондық оқыту жүйесі бойынша жабдықтармен қамтылған жоқ.

2015 жылы республикалық бюджетті нақтылау кезінде электрондық оқыту жобасын іске асыруға кететін шығындар оңтайландырылып, барлық 118 білім беру ұйымында қаржыландырудың болмауынан кеңжолақты интернет айырылып тасталды.

Қазақстан Республикасы Білім және ғылым министрлігінің электрондық оқытуды қаржыландыру қажеттігі туралы 2015 жылғы 29 қаңтардағы тапсырмасына сәйкес жергілікті бюджет есебінен 31 білім беру нысанына (облыстық мектептер, колледждер, Бөрлі, Теректі, Шыңғырлау аудандары) интернетке қосылуға қаражат бөлінді.

ЭОЖ қосылған білім беру ұйымдары