Қазақстан Республикасының Президенті атынан өткізілетін жаңа жылдық шырша |
Қазақстан Республикасының Президенті атынан өткізілетін жаңа жылдық шырша ағымдағы жылы 24 желтоқсан күні қазақ драма театрында ұйымдастырылады. Жаңа жылдық шыршаға 9 бен 13 жас аралығындағы оқуда, спортта, шығармашылық пен қоғамдық өмірде жетістіктерге жеткен жетім, ата-анасының қамқорлығынсыз қалған балалар, аз қамтылған және көп балалы отбасылардың балалары, даму мүмкіндігі шектеулі, мүгедек балалар ішінен 180 бала қатысады. Жаңа жылдық шыршаға қатысушылардың жалпы санынан 126-сы ауылдық жерлерден келетін балалар. Шыршаға қатысушылардың орналасу орны мен тамақтануы - «Айдана» қонақ үй кешенінде ұйымдастырылады. Мерекелік шараға облыс әкімі Н.А.Ноғаев қатысып, Қазақстан Республикасының Президенті атынан жаңа жылдық шыршаға қатысушыларға сыйлықтар табыстайды. Шыршаға қатысушыларды салтанатты шарадан басқа ойын-сауық бағдарламасы, соның ішінде «Айдана» мейрамханасында мерекелік түскі ас, би кеші, караокемен өлең айту байқауы, «Funky Town» орталығына бару және 3-Д форматында мультфильм көру күтеді. Шараны өткізуге облыстық бюджеттен барлығы 13,9 млн. теңге бөлінді. |