«Жігер» әскери-патриоттық, далалық лагері |
Білім басқармасы Батыс Қазақстан облысы Ауған ардагерлер қоғамы, облыстық прокуратура, әскери прокуратура, БҚО Қорғаныс істері жөніндегі департаменті, Орал қаласының қорғаныс істері жөніндегі басқармасымен бірге 2015 жылдың 29 маусым - 8 шілде аралығында жетім және ата-анасының қамқорлығынсыз қалған балалар және ішкі істер органдарында есепте тұрған колледж оқушыларына арналған әскери-патриоттық, далалық «ЖІГЕР» лагерін ұйымдастырды. Лагерь 1 ауысымда өткізіліп 78 оқушыны қамтыды. Лагерь облыстық балалар мен жасөспірімдер туризмі және экология орталығының базасында Шаған өзенінің сол жағалауында орналасқан «Самал» туристік лагері негізінде ұйымдастырылды. Лагерьдің мақсаты: Қазақстандық патриотизмді, балалар мен жасөспірімдер арасындағы қылмыс пен құқық бұзушылықтың алдын алу, салауатты өмір салтын насихаттау, әскери-патриоттық тәрбие беру, азаматтардың белсенді өмір сүру жағдайын қалыптастыру, туристтік жорықтардағы қауіпсіздік шараларын сақтау, «Қайсар» әскери-патриоттық клубымен тәжірибе алмасу. Лагердің бағдарламасында АӘД пәні, ҚР ҚК тарихы бойынша сабақтар өткізілді, әскери-патриоттық тақырыбында көркем бейнефильмдер қаралды, өлкетану және М.Маметова мұражайларына саяхаттар жүргізілді, әскери-спорттық шаралар: ату және әскери-қолданбалы спорт түрлері бойынша сайыстар, «ішімдік, темекі тарту, нашақорлық қолданудың зияндары туралы» лекторийлер, Ұлы Отан соғысы ардагерлерімен, әскери-интернационалистермен, Қарулы Күштер және әскери қызмет ардагерлерімен кездесулер ұйымдастырылды, сонымен қатар Қазақ хандығының 550 жылдығына, Қазақстан халқы ассамблеясының 20 жылдығына, Астана қаласының күніне спорттық-туристік, әскери-патриоттық түрлі іс – шаралар оздырылды. Лагерьде демалушылар Шалқар көлінің жағалауында 1 күндік демалыс жорығын жасады. |