Батыс Қазақстан облысы білім басқармасының 2015 жылғы 26-шы мамырдағы №341 бұйрығына сай «Бала еңбегін қанауға қарсы 12 күн күрес» Ұлттық ақпараттық науқаны шеңберінде балаларға қатысты зорлық-зомбылық пен оларды еңбектің ең нашар түрлеріне тартуға жол бермеу жөнінде шара қолдану мақсатында 1-12 маусым аралығында облыстық «Бала еңбегін қанауға қарсы 12 күн күрес» Ұлттық ақпараттық науқаны өткізілуде. Науқанның мақсаты – жұртшылықтың балалар еңбегі мәселелеріне, оның аумағы мен сипаты, бала мен қоғам үшін тигізетін зияны, осы саладағы халықаралық және ұлттық заңнамалық актілер туралы ақпараттандыру.

Аталған науқан  барысында 2 маусымда бала еңбегінің ең нашар түрлеріне жол бермеу және баланың еңбекке құқығын қорғау бойынша «Жас ұлан» бірыңғай балалар мен жасөспірімдер ұйымының және «Жас өркен» көшбасшылары еріктілерінің көмегімен   «Атриум» орталық сауда үйінде, «Мирлан» орталық базары аумағында, темір жол бекеті аймағында және Театральный көшесінде  «Балаларды балалық шақтан айырмаңыз» атты ата-аналарға арналған жаднама және күнтізбелер таратылды.

Сонымен қатар, «Өркен» қосымша білім беру орталығының облыстық «cdoorken.kz» сайтына мақалалар жарияланды.