2015 жылдың 26 наурызы күні облыстық «Арнайы және инклюзивті білім беру ұйымдарының жаңашыл тәрбиешісі» атты сырттай байқауы өткізілді.

Байқаудың негізгі мақсаты ерекше қажеттіліктері бар балаларды оқыту мен тәрбиелеу барысында инновациялық технологияларды қолдану арқылы  тәрбиешілердің озық іс-тәжірибелерін анықтау болып табылады.

Байқауда аудандық психологиялық-педагогикалық түзету кабинеттері және облыстық арнайы мектеп-интернат тәрбиешілері қатысты.

Әділқазылар алқасының қорытындысы бойынша бірінші орын облыстық көру қабілеті бұзылған балаларға арналған арнаулы мектеп-интернатының тәрбиешісі Қ.Б.Үмбетова иеленді, оның жұмысы әр тәрбиеленушінің бейімделуіне мейірімді психологиялық көзқарасты туғызу және психологиялық оңалтуға бағытталған.

Екінші орынды Жаңақала ауданының психологиялық-педагогикалық түзету кабинетінің тәрбиешісі Ж.І.Чукина иеленіп, ал үшінші орынды даму мүмкіндігі шектеулі балалармен жұмыстануда жаңа инновациялық технологиялар алгоритімімен дәстүрлі тәрбиелеу әдісін шығармашылықпен қолдануды ұсынған Теректі ауданының психологиялық-педагогикалық түзету кабинетінің тәрбиешісі Д.Ж.Умаргалиева мен Казталов ауданының психологиялық-педагогикалық түзету кабинетінің тәрбиешісі Г.А. Нурпейсова өзара бөлісті.

Байқаудың номинация иегерлері Қаратөбе ауданының психологиялық-педагогикалық түзету кабинетінің тәрбиешісі М.Ұ. Ысқақ және зерде бұзылыстары бар балаларға арналған облыстық арнайы мектеп – интернат тәрбиешісі Г.С. Уразова атанды.