Білім алушыларды отансүйгіштікке тәрбиелеу, ұлттық және әлемдік көркем мәдениеттің дәстүрлеріне тұлғаның қызығушылығын ояту, заманауи композиторлардың шығармаларына және үздік үлгідегі музыкалық мұраны білуге ынталандыру, талантты балалардың ұжымдары мен музыкалық білім алушы дарынды  балаларды анықтау және қолдау көрсету мақсатында ағымдағы жылғы 26–27 ақпан күндері Орал қаласындағы Д.Нұрпейісова атындағы №1 балалар саз мектебі  және №3 балалар саз мектебі базасында Ұлы Жеңістің 70 жылдығына арналған балалар музыка мектептері және өнер мектептерінде халықтық бөлімдері бойынша білім алушылар–жас музыканттардың 49-шы облыстық фестиваль-конкурсы өткізілді.

Байқауға барлық аудандар, Орал қаласы, дарынды балаларға арналған мамандырылған №11 С.Сейфуллин атындағы облыстық қазақ мектеп-интернат кешенінің оқушылары, барлығы 450-ге жуық оқушылар қатысты.

Конкурстың жеңімпаздары Бас жүлде және I, II, III дәрежелі облыстық білім басқармасының дипломдарымен және сыйлықтарымен марапатталды. Барлық қатысушыларға және балаларды конкурсқа дайындағаны үшін оқытушысы мен концертмейстерлеріне алғыс хаттар табыс етілді.

Қазылар алқасы қатысушылардың жоғары даярлықпен келгенін атап өтті.