«Үйден оқитын балаларды инклюзивті білім беру үдерісіне тарту жолдары» тақырыбында облыстық семинар туралы |
2015 жылдың 20 ақпаны күні Батыс Қазақстан облысы білім басқармасы және Мектепке дейінгі, жалпы орта, техникалық және кәсіптік білім беру ұйымдарының облыстық оқу – әдістемелік кабинетінің ұйымдастыруымен облыстық психологиялық – дәрігерлік – педагогикалық кеңес беру мекемесінің базасында инклюзивті білім беруді қадағалайтын аудандық білім беру бөлімінің әдіскерлері мен мектеп директорының оқу ісі жөніндегі орынбасарларына арналған семинар оздырылды. Семинардың мақсаты - инклюзивті білім үрдісіне үйден оқитын мүгедек – балаларды бағдарламалық техникалық құралдарды қолдану әдістерін анықтау. Жаңа технология жұмыстарының дәстүрлі емес әдістерін қолдану. Семинардың бірінші бөлімінде қатысушыларға үйден оқытудың құқықтық - нормативтік базасы таныстырылып, соңғы жылдардағы енгізілген өзгерістерге талдау жасалды. Осы бөлімде үйден оқитын мүгедек – балаларды инклюзивті білім үрдісіне тартудың моделі қарастырылды. Екінші практикалық бөлімінде ерекше танымдық қажеттіліктері бар балалармен жұмыстануда дәстүрлі емес әдістері және жаңа технологияны қолдануда облыстық психологиялық – дәрігерлік – педагогикалық кеңес беру мекемесі, облыстық көру қабілеті бұзылған балаларға арналған арнаулы мектеп - интернаты, зерде бұзылыстары бар балаларға арналған облыстық арнайы мектеп – интернаты, Казталов ауданының психологиялық – педагогикалық түзету кабинетінің арнайы мамандары жаңа технологияны презинтациялық тәжірибе жұмыстарымен таныстырды. Облыстық орта білімді ақпараттандыру орталығы бағдарламалық-техникалық құралдардың техникалық пайдалану мүмкіндіктері бойынша үйде оқитын мүгедек - балаларды әлеуметтендіру және шығармашылық оңалту мақсатымен он-лайн сабақтарды және он-лайн конференцияларды ұйымдастыру үшін байланыс бейнечаттарды құру бағыттарын ұсынды. |