Кәсіптік білім беруде дуальды оқыту жүйесін енгізу мәселелері |
2015 жылдың 11 ақпанда техникалық және кәсіптік білім беру ұйымдары мен әлеуметтік серіктестіктердің бірлескен жұмысы нәтижесінде бәсекеге қабілетті дайын жұмысшы мамандар даярлау мақсатында Батыс Қазақстан инженерлік-технологиялық колледжі базасында («Аквакультура» ғылыми – зерттеу зертханасында) «Кәсіптік білім беруде дуальды оқыту жүйесін енгізу мәселелері» атты облыстық практикалық семинар өтті.
Семинарға ғылыми-зерттеу ветеринарлық стансасының, Жәңгір хан атындағы БҚАТУ – нің, колледждердің өкілдері қатынасты. Семинар барысында дуальды оқыту жүйесінің элементтерін техникалық және кәсіптік білім беру ұйымдарына енгізу жолдары, проблемалары талданып, Ветеринария мамандықтары бойынша «Мәңгілік Ел жастары – индустрияға» мемлекеттік бағдарламасы бойынша еліміздің оңтүстік аймақтарынан қабылданған студенттерімен практикалық сабақтар көрсетілді. Семинар жоғары деңгейде өтті. |