2015  жылдың  10 ақпаны күні  Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің ұйымдастыруымен Орал қаласы №46 ЖББОМ базасында көркем-эстетикалық пәндер мұғалімдерінің семинар-практикумы оздырылды.

Семинар мақсаты - көркем-эстетикалық пәндерді оқыту барысында инновациялық технологияларды тиімді қолдану, шығармашылықпен жұмыстанатын педагогтардың іс-тәжірибесін анықтау, тарату.

Семинар – практикумға  аудандық, қалалық білім беру бөлімдерінің көркем-эстетикалық пәндер бойынша әдіскерлері мен мұғалімдері қатысты.

Семинар-практикум барысында технология  пәнінің мұғалімдері «Вытинанка»,   «Тэмари», «Квиллинг»  әдістері бойынша бұйымдарды жасау техникасы арқылы шеберлік сыныптарын көрсетті. Бейнелеу өнері, сызу пәндері бойынша «Энкаустика», «Гратаж», «Бейнелеу сабақтарында электрондық оқулықты тиімді қолдану» туралы іс-тәжірибелерімен бөлісті.

Музыка пәні бойынша «Музыка сабақтарында ұлттық аспаптарды оқыту әдістемесі», «В гостях у королевы музыки»  тақырыптарында шеберлік сыныптары көрсетілді.

Семинар – практикум соңында мұғалімдер өзара пікір алмасып, мұндай практикалық  жұмыстармен  бөлісудің  тиімді  екенін  атап  өтті.