23 қаңтар 2015 жылы дарынды балаларға арналған мамандандырылған №11 С.Сейфуллин атындағы облыстық қазақ мектеп-интернат кешені базасында аудандық (қалалық) білім беру бөлімінің бастауыш сынып әдіскерлері мен бастауыш сынып мұғалімдеріне арналған «4 сыныптағы қозғалысқа байланысты берілген есептерді алгоритм бойынша шығару мәселесі» тақырыбында облыстық семинар оздырылды. Семинарда аталған мектептің тәжірибелі мұғалімдері кіріктірілген дәстүрлі емес сабақтар шеруі, коучинг, шеберлік сыныбын көрсетті.

Бастауыш сыныптар бойынша әдіскерлерімен облыстық оқу-әдістемелік кабинеті «Педагогтардың кәсіби шеберлігі мен құзіреттілігін қалыптастыру - әдістемелік жұмысты ұйымдастырудың басты шарты» тақырыбында тәжірибе алмасу мақсатында тәжірибелік дискуссиялық алаң, дөңгелек үстел ұйымдастырды.

Cеминарда төмендегі тақырыптар қамтылды:
- «Шығармашылық байқау- педагогтардың кәсіби жетілуінің кепілі» (Темірғалиева Ш.Б., Казталов ауданы)
- «Дарынды оқушылармен жүргізілетін жұмысты ұйымдастыру жолдары» (Тапаева Л.С., Сырым ауданы)
- «Бастауыш сынып мұғалімдерінің кәсіби шеберлігімен құзіреттілігін қалыптастырудағы әдістемелік қызметті ұйымдастыру» (Кисекова Т.К., Жәнібек ауданы)
- «Педагогикалық мақсатқа қол жеткізу- жүйелі жұмыс нәтижесі» (Қарағойшиева С.Н., Бөрлі ауданы)
- «Үлгермеушілік себептерін анықтау және одан шығу жолдары» (Даулетова Г.М., Тасқала ауданы)

Облыстық семинар-практикум тиісті деңгейде оздырылды.