Облыс әкімдігі мен «Эни С.п.А.» концернінің жобасын жүзеге асыру шеңберінде жыл сайын 40 оқушы үшін Адриатикалық теңіз жағалауындағы Чезенатико қаласында (Италия) жазғы сауықтыру демалысы ұйымдастырылады.

Ағымдағы жылдың 6 - 23 шілде аралығында аталған лагерьде оқуда, шығармашылықта, спортта немесе қоғамдық өмірде жетістіктерге жеткен 12 - 14 жас аралығындағы 20 жетім, ата-анасының қамқорлығынсыз қалған және 20 аз қамтылған отбасының балалары демалып қайтты.

Оқушылардың және жетекшілердің іссапар шығындары «Аджип Қарашығанақ Б.В.» компаниясының есебінен жүзеге асырылды.