Ағымдағы жылдың 2-3 маусым күндері оқушылардың ғылыми-техникалық шығармашылығын, құрастырушылық ой-өрісін, спорт шеберліктерін дамыту, спорттық техникалық түрлері бойынша үздік жұмыс нәтижелерін насихаттау, талантты жастарды анықтау және қолдау көрсету мақсатында қала сыртындағы ашық алаңда әуе үлгісі спорты және зымыран үлгісі спорты бойынша облыстық жарыстар өткізілді.

Әуе үлгілері бойынша жарысқа Ақжайық, Бөкейорда, Бөрлі, Жаңақала, Жәнібек, Зеленов, Казталов, Тасқала, Теректі, Шыңғырлау аудандары, Орал қаласы мектептен тыс жұмыс орталығы, Орал қала мектептері мен облыстық балалар техникалық шығармашылығы орталығынан 56 оқушы қатысты.

Бөкейорда, Жаңақала, Теректі аудандары мен Орал қаласы, облыстық балалар техникалық шығармашылығы орталығы командалары жақсы дайындықтарын байқатты.

Зымыран үлгілері бойынша жарысқа Ақжайық, Бөкейорда, Бөрлі, Жаңақала, Жәнібек, Зеленов, Казталов, Тасқала, Теректі, Шыңғырлау аудандары, Орал қаласы мектептен тыс жұмыс орталығы, Орал қаласы мен облыстық балалар техникалық шығармашылығы орталығынан 47 оқушы қатысты.

Жарыста облыстық балалар техникалық шығармашылығы орталығы, Орал қаласы, Бөкейорда, Жаңақала аудандарының командалары белсенділік танытты.

Жүлдегерлер дипломдар және бағалы сыйлықтармен марапатталды.