Ағымдағы жылғы 4 маусымда ата-аналарға, балаларға қауіп тудырмайтын ғаламтор жөнінде ақпарат тарату мақсатында «Қауіпсіз интернет» акциясы ұйымдастырылды.

Акция барысында Орал қалалық №35, 2, 43, 5 қоғамдық көліктерінде, сауда орындарында қауіпсіз әлеуметтік желілер туралы плакаттар ілінді, «Атамекен», «Дарын», «Евразия» балалар жазғы демалыс лагерлерінде «Қауіпсіз интернет» тақырыбында жаднамалар таратылды. Қала көшелерінде үнпарақ арқылы ғаламторды дұрыс пайдалану жөнінде кеңес берілді.