«Психологиялық – педагогикалық түзету кабинеттерде топтық және жеке кеңес беру жұмыстарын ұйымдастыру» тақырыбындағы семинар - практикум |
Даму мүмкіндігі шектеулі балалармен жұмысты ұйымдастыруда психологиялық - педагогикалық түзеу кабинеттерінің қызметін үйлестіру, тәжірибе алмасу мен облыс көлемінде Теректі ауданының психологиялық – педагогикалық түзеу кабинетінің іс-тәжірибесімен бөлісіп, тарату мақсатында 2014 жылы 28 мамыр күні Теректі ауданы Федоров ауылы ППТК базасында облыстық семинар – практикум ұйымдастырылды. Семинарға психологиялық - педагогикалық түзеу кабинеттерінің меңгерушілері мен әдіскерлері қатысты (35 маман). Семинардың практикалық бөлімінде Теректі аудандық психологиялық - педагогикалық түзеу кабинеттерінің мамандары ашық сабақтар өткізсе, шығармашылық шеберханасында Тасқала, Жаңақала, Зеленов, Казталов, Шыңғырлау, Сырым аудандарының психологиялық - педагогикалық түзеу кабинеттерінің мамандары іс тәжірибелерімен бөлісті. Теориялық бөлімінде арнаулы мекемелерде педагогика – психологиялық кеңес беру жұмыстарының ерекшеліктері мен аймақтық психологиялық – дәрігерлік - педагогикалық кеңес беру мекемесі мамандарының мемлекеттік емес ұйымдармен бірлескен қызметі бойынша баяндамалар тыңдалды. Семинардың ІІ кезеңі іскерлік ойынмен жалғасын тапты. Семинар шығармашылық орталығының фоторепортажымен қорытындыланды. |