2014 жылдың 19 мамырында Батыс Қазақстан облысының білім басқармасы, облыстық «Өркен» қосымша білім беру орталығы, «Жас өркен» балалар мен жастар ұйымдарының одағы» жастар қоғамдық бірлестігі және облыстық «Жас Ұлан» бірыңғай балалар мен жасөспірімдер ұйымының ұйымдастыруымен Алаш сыйлығының иегері Ақұштап Бақтыгерееваның 70 жылдығына арналған «Жас Ұлан» бірыңғай балалар мен жасөспірімдер ұйымдарының «Жайық ұландары – болашақ қырандары» облыстық слеті оздырылды.

Слеттің мақсаты - өскелең жас ұрпақтың бойында патриоттық, білім мен өзін-өзі жетілдіруге деген құштарлық, беріктік, Отан тарихына, Тәуелсіз Қазақстанның бүгіні мен болашағына деген жауапкершілікті қалыптастыру, жергілікті белгілі тұлғаларды құрметтеуге шақыру, балалар мен жасөспірімдердің көшбасшылық және шығармашылық іскерлігін дамыту.

Шараға ақын Ақұштап Бақтыгереева қатысып, балаларға өз тілегін білдірді. Слет бағдарламасына сай, қатысушылар «Жас Ұлан» - менің әлемім!» үгіт топтар байқауы, «Жас тілші», «Жас ақын» ақындық өнер сыны, «Бала би» шешендік өнер сайысы, «Жас білгір» «Жас Ұлан» ұйымы бойынша тест тапсырмалары, «Жас start-up» инновациялық жоба қорғау және «Жас сценарист» көпшілік іс-шара ұйымдастыру бойынша сынға түсті.

Конкурс қорытындысында жеңімпаздар сыйлықтар мен дипломдармен марапатталып, барлық қатысушыларға білім басқармасының алғыс хаты табыс етілді.