2014 жылдың 15 мамырда «Дарын» қосымша білім беру орталығы базасында Батыс Қазақстан облысының білім басқармасы және облыстық «Өркен» қосымша білім беру орталығының ұйымдастыруымен «Мөлдір бұлақтан...»  отбасылық шығармашылық фестивалі өтті.

Фестивальдің мақсаты: отбасын белсенді қоғамдық және мәдени қызметке тарту, отбасылық құндылықтар мен дәстүрлерді, салауатты өмір салтын арттыру, отбасылық көркем шығармашылықты дамыту үшін қолайлы жағдай жасау, өскелең ұрпаққа эстетикалық және адамгершілік тәрбие беруде отбасы шығармашылығының рөлін арттыру.

Шараға аудандық және қалалық жалпы білім беретін мектептердің оқушылары мен олардың ата-аналары қатысты.

Бағдарламаға сай отбасы көрмесі ұйымдастырылды. Фестивальдің номинациялары бойынша Гала – концертте отбасылар өздері таңдаған номинация бойынша шығармашылық өнерлерін ортаға салды. Сонымен қатар, фестиваль аясында отбасылармен «Сен, мен және бәріміз, тату-тәтті жанұя» акциялары, «Ойындар фабрикасы», «Татулық формуласы», «Тимбилдинг» курсы ұйымдастырылды. Шара соңында фестивальге қатысқан әр отбасы номинациялар бойынша білім басқармасының дипломдарымен және бағалы сыйлықтарымен марапатталды.