2014 жылдың 22 сәуірі күні Батыс Қазақстан облыстық дарынды балаларға арналған қазақ-түрік мамандандырылған мектеп-лицей интернаты базасында  «Көптілді білім беру арқылы оқушылардың функционалдық сауттылықтарын дамыту жолдары» тақырыбындағы облыстық семинар ұйымдастырылып өтті.

Семинарға аудандық (қалалық) білім беру бөлімдерінің әдіскерлері, жалпы орта білім беретін  және облыстық мектептердің ағылшын тілі пәні мұғалімдері, облыс бойынша көптілді білім беру экспериментіне қатысушы жаратылыстану-математикалық цикл пәндерінің мұғалімдері қатысты.

Бағдарлама бойынша лицей мұғалімдері екі айналымда ағылшын тілінде жаратылыстану-математикалық бағыты пәндерінен тәжірибе алмасу сабақтары көрсетіліп, «Көптілді білім беру мектептердің мәселелері» тақырыбындағы коучинг жұмысы ұйымдастырылды.

Сонымен бірге семинар барысында қатысушылар лицей тынысымен танысып, жоғары сынып оқушыларының жеке жобалары бойынша дайындалып, үш тілде қорғалған білім көрмесіне қатысты. Семинар жұмысы дөңгелек үстелде пікір алмасып, ұсынбалар қабылдаумен қорытындыланды.